БИДНИЙ ТУХАЙ
Герман чанар, төгс инээмсэглэл — таны итгэл бидний хариуцлага.
Бидний тухай
“Хатагтай-ДЕНТ” шүд, амны хөндийн мэс заслын эмнэлгийг ХБНГУ-д амны хөндийн мэс заслын чиглэлээр нарийн мэргэжил эзэмшиж, Герман улсад шүдний имплантын чиглэлээр анагаах ухааны докторын зэрэг хамгаалсан эмч Б.Оюунтуяа удирдан ажиллуулж байна. Тэрээр олон улсын түвшинд эзэмшсэн мэдлэг, туршлагаа эмчилгээ, үйлчилгээнд нэвтрүүлэн, орчин үеийн шинэлэг аргачлалыг практикт хэрэгжүүлж ажилладаг.
Манай эмнэлэг нь БНСУ болон ХБНГУ-д үйлдвэрлэсэн өндөр хүчин чадалтай, нарийвчлал бүхий тоног төхөөрөмжөөр бүрэн тоноглогдсон бөгөөд оношилгоо, эмчилгээ, мэс заслын бүх үйлчилгээг нэг дор цогцоор үзүүлэх боломжтой. Орчин үеийн дижитал технологид суурилсан энэхүү орчин нь үйлчлүүлэгч бүрт аюулгүй, тав тухтай, олон улсын стандарт хангасан үйлчилгээ авах нөхцөлийг бүрдүүлдэг.
бидний философи
Алсын хараа
Монголд шүд, амны хөндийн эмчилгээний салбарт олон улсын жишигт нийцсэн, дэвшилтэт технологид суурилсан, итгэлцэл дээр тогтсон тэргүүлэгч эмнэлэг болох.
Эрхэм зорилго
Үйлчлүүлэгч бүрт найдвартай, аюулгүй, өндөр чанартай шүдний тусламж үйлчилгээг орчин үеийн технологи, олон улсын стандарт, мэргэжлийн ур чадварт тулгуурлан хүргэж, эрүүл инээмсэглэл бэлэглэх.
Үнэт зүйлс
Чанар, хариуцлага, мэргэжлийн ур чадвар, дэвшилтэт технологи болон үйлчлүүлэгч төвтэй хандлагыг эрхэмлэн, итгэлцэл дээр суурилсан үйлчилгээ үзүүлэх.
тоног төхөөрөмж
Хатагтай Дент шүдний эмнэлэг нь Герман улсын өндөр стандартын материал болон дэвшилтэт дижитал технологийг эмчилгээндээ нэвтрүүлэн ажилладаг. CAD/CAM систем, дижитал оношилгоо, нарийвчлал өндөртэй лабораторийн шийдлүүдийг ашигласнаар шүдний хэлбэр, хэмжээ, өнгийг алдаагүй тодорхойлж, илүү хурдан бөгөөд чанартай эмчилгээ хийх боломж бүрддэг. Мөн Герман технологид суурилсан эмчилгээний аргачлал, бат бөх, аюулгүй материалуудыг ашигласнаар үйлчлүүлэгч бүрт удаан хугацаанд хадгалагдах, найдвартай үр дүн бүхий, олон улсын жишигт нийцсэн үйлчилгээ үзүүлдэг.